સુરત ડુમસ રોડ પર પીપલોદ પરના લેક વ્યુ ગાર્ડનમાં બોટિંગની વ્યવસ્થા શરૂ કરવા માટે પાલિકાએ ટેન્ડર બહાર પાડ્યું છે. લેક વ્યૂ ગાર્ડનમાં 3 વર્ષ માટે બોટિંગ એક્ટિવિટી શરૂ કરવા માટે રૂ. 22.71 લાખની ઓફર મળી છે. જેમાં પ્રથમ વર્ષમાં 4.11 લાખની વાર્ષિક ઓફર મળી છે. વાર્ષિક ઓફર દર વર્ષે 5% વધશે. આમ 3 વર્ષમાં સુરત મહાનગરપાલિકાને લેક વ્યૂ ગાર્ડનમાં બોટિંગ એક્ટિવિટીમાંથી 22.71લાખ રૂપિયાની આવક થશે. લેક વ્યુ ગાર્ડનમાં બોટિંગની પ્રવૃત્તિઓ માટે ચોથી વખત ટેન્ડર બહાર પાડવામાં આવ્યા છે. કુલ બે ટેન્ડર મળ્યા હતા.
જેમાં રાજયોગ પોલિટેક પ્રાઈવેટ લિમિટેડે સૌથી વધુ ઓફર આપી છે. આ ઇજારદારને 5 વર્ષ માટે કામ સોંપવા અને જો કામગીરી સંતોષકારક હોય તો 5 વર્ષનો સમયગાળો વધારવાની મંજુરી માંગવામાં આવી છે. બુધવારે મળનારી કોર્પોરેશનની ગાર્ડન સમિતિની બેઠકમાં કામ અંગે નિર્ણય લેવામાં આવશે.
ઉલ્લેખનીય છે કે, લેક વ્યુ ગાર્ડનને પીપીપી ધોરણે ચલાવવા માટે તાજેતરમાં પુનઃવિકાસ કરવામાં આવ્યો છે. બે વર્ષ બાદ લેક વ્યૂમાં બોટિંગ શરૂ થશે. શહેરના અન્ય તળાવ બગીચાઓમાં પણ બોટિંગની સુવિધા શરૂ કરવાનું આયોજન છે. અગાઉના દિવસોમાં સુભાષ ગાર્ડન ખાતે બોટીંગ શરૂ કરવાની પ્રક્રિયા કરવામાં આવશે.
