Homeજાણવા જેવું3 મહિનાની ખેતીથી લાખોની કમાણી, વધી રહી છે બજારમાં ડીમાન્ડ, આરોગ્ય માટે...

3 મહિનાની ખેતીથી લાખોની કમાણી, વધી રહી છે બજારમાં ડીમાન્ડ, આરોગ્ય માટે છે ખુબજ ફાયદાકારક

કોરોનાના સમયમાં લોકોએ તેમના સ્વાસ્થ્યની વિશેષ કાળજી લેવાનું શરૂ કર્યું છે. બીજી તરફ, લોકડાઉન પછી, મોટી સંખ્યામાં લોકો શહેરોમાંથી ગામડાઓ પરત ફર્યા છે. આમાં, એવા ઘણા લોકો છે કે જેઓ શહેરની નોકરી છોડી ખેત-વાડી કરવા માગે છે. બ્રોકલીની ખેતી તેમના માટે ખુબજ સારો વિકલ્પ છે.

બ્રોકોલી કોબીજ જેવી લાગે છે. ઘણા લોકો બ્રોકોલી, ફલાવર અને કોબી વચ્ચેનો તફાવત નથી ઓળખી શકતા. બ્રોકોલીના બીજ અને છોડમાં પણ બહુ તફાવત નથી. જેવી રીતે એક ફલાવરના છોડમાંથી તેનું ફૂલ એટલે કે ફલાવર મેળવવામાં આવે છે, જ્યારે બ્રોકોલી છોડમાંથી મુખ્ય ફૂલ કાપ્યા પછી પણ કેટલીક ડાળીઓ છોડમાંથી બહાર આવે છે.

બ્રોકોલીનો રંગ લીલો હોય છે. ઉત્તર ભારતમાં શિયાળાના મહિનાઓમાં તેની ખેતી કરવામાં આવે છે. તેમના બીજ હિમાચલ, ઉત્તરાખંડ અને જમ્મુ-કાશ્મીરમાં બનાવવામાં આવે છે અને ત્યાંથી નિકાસની ઘણી સંભાવનાઓ રહે છે. હમણાં થોડા સમયમાં તેની ખેતી નોંધપાત્ર રીતે વધી છે.

બ્રોકોલીની ખેતી માટે ઠંડા વાતાવરણની આવશ્યકતા હોય છે. ફૂલો બેસવાની શરૂવાત કરે ત્યારે તાપમાન વધુ હોય ત્યારે ફૂલો, પીળા અને પતલા પાંદડાવાળા હોય છે. તેના માટે પીળી માટીવાળી જમીનમાં વાવેતર માટે ખૂબ જ યોગ્ય છે.

બ્રોકોલીના ઘણા પ્રકારો છે. નાઈનસ્ટાર, પેરિનીયલ, ઇટાલિયન ગ્રીન સ્પ્રઉટિંગ, કેલેબસ, બાથમ 29 અને ગ્રીનહેડ મુખ્ય છે. બીજને અંકુરીત થવા અને છોડની વૃદ્ધિ માટે 20-25 ° સે જેટલું તાપમાન હોવું જોઈએ. નર્સરીમાં છોડ તૈયાર કરવાનો સમય ઓક્ટોબરનો બીજો અઠવાડિયાનો છે. ઓગસ્ટ અને સપ્ટેમ્બરમાં પર્વતીય વિસ્તારોમાં ઉગાડવામાં આવે છે. જો ઉચાઇવાળા વિસ્તારો હોય, તો પછી માર્ચ-એપ્રિલમાં તેનું વાવેતર થાય છે.

બ્રોકોલીને પહેલા નર્સરીમાં તૈયાર કરવામાં આવે છે અને ત્યારબાદ તેનું વાવેતર કરવામાં આવે છે. ઓછી સંખ્યામાં છોડ ઉગાડવા માટે જમીનમાં 3 ફુટ લાંબા અને 1 ફુટ પહોળા અને જમીનની સપાટીથી 1.5 સે.મી. ઉંચી કરેલી ક્યારીમાં વાવણી કર્યા પછી, વધારાના ઘાસનું નીંદણ કરીને ગ્રીનહાઉસ જેવો નાનો શેડ બનાવીને ઢાંકી દેવામાં આવે છે અને સમયાંતરે તેને પાણી પાવામાં આવે છે. છોડને કાઢતી વખતે વધારાના ઘાસને નીંદણ કરીને દૂર કરવામાં આવે છે.

બ્રોકોલી માટે બીજ વાવ્યા પછી લગભગ 4 થી 5 અઠવાડિયામાં, તેના છોડ ખેતરમાં વાવણી યોગ્ય થઈ જાય છે. નર્સરીમાં, છોડ 4 અઠવાડિયાના થઇ જાય તો તેને લાઈનમાં નિશ્ચિત અંતરે વાવેતર કરવામાં આવે છે. આ સમય દરમિયાન, મહત્વપૂર્ણ છે કે જમીનમાં ભેજનું પૂરતું પ્રમાણ હોવું જોઈએ. આ પછી તેને ઓછા-વતા પ્રમાણમાં પાણી આપવામાં આવે છે.

1 હેક્ટરમાં વાવેતર કરવામાં આવે તો 12 થી 15 ટન જેટલું ઉત્પાદન થાય છે અને તેનાથી 3 થી 4 મહિનામાં 3 લાખ સુધીની કમાણી થઇ શકે છે

બ્રોકોલીમાં કેરોટિનોઇડ્સ લ્યુટિન જોવા મળે છે. એવું માનવામાં આવે છે કે હૃદયને સ્વસ્થ કરે છે. તેમાં હાજર પોટેશિયમ કોલેસ્ટ્રોલનું સ્તર ઘટાડે છે. અને તેમાં ફાયટોકેમિકલનું પ્રમાણ વધુ છે. તે શરીરમાં રહેલા ઝેરી પદાર્થોને દૂર કરે છે. તેમાં ફોલેટની માત્ર પણ હોય છે, જેથી ડિપ્રેશન થવાનું જોખમ પણ ઘટાડી શકાય છે, તે ઈમ્યૂનિટી બૂસ્ટર તરીકે પણ જોવામાં આવે છે.

તમને આ પોસ્ટ કેવી લાગી? કૃપા કરીને અમને કોમેન્ટમાં જણાવો અને તમને આ પોસ્ટ ગમી હોય તો શેર જરૂર કરજો.

જો તમારી પાસે ગુજરાતીમાં કોઈ આર્ટીકલ્સ, વાર્તા અથવા માહિતી છે, જે તમે અમારી સાથે શેર કરવા માંગો છો, તો કૃપા કરીને તમારા ફોટા સાથે અમને ઇમેઇલ કરો. અમારી આઈડી છે: Gujaratexpress100@gmail.com. જો અમને ગમશે, તો અમે તેને અહીં તમારા નામ અને ફોટો સાથે પ્રકાશિત કરીશું. આભાર!

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments