દવાઓના પત્તા પર કેમ હોય છે લાલ રંગની પટ્ટી? આ દવાઓ ખરીદતી વખતે કઈ વિશેષ બાબતો ધ્યાનમાં લેવી જોઈએ, જાણો…

502

આપણામાંના મોટા ભાગના લોકો બીમાર પડ્યા પછી, ડોક્ટર પાસે જવાને બદલે સીધા જ મેડિકલ સ્ટોર પર જાય છે અને કંઇપણ વિચાર્યા વિના તે જે-તે રોગની દવાઓ ખરીદે છે. કેટલીકવાર આ દવાઓથી રોગોમાંથી રાહત મળે છે, પરંતુ કેટલીક વાર આ દવાના કારણે ગંભીર પરિણામો પણ ભોગવવા પડે છે. જો તમે ધ્યાન આપ્યું હોય, તો તમે જોયું જ હશે કે, ઘણી દવાઓના પત્તા પર લાલ રંગની પટ્ટી હોય છે. પરંતુ શું તમે આ પટ્ટીનો અર્થ જાણો છો? નહીં ને તો ચાલો જાણીએ…

આ લાલ રંગની પટ્ટી વિશે ડોકટરો વધુ સારી રીતે જાણે છે. પરંતુ સામાન્ય લોકો તેના વિશેની કોઈ માહિતી જાણતા હોતા નથી. આવી સ્થિતિમાં, લોકો ડોકટરોની સલાહ વિના મેડિકલમાંથી દવા ખરીદે છે અને સમસ્યાનું સમાધાન શોધવાની જગ્યાએ સમસ્યા વધે છે. તેથી, દવાઓ ખરીદતી વખતે ખૂબ કાળજી લેવી જરૂરી છે.

ખરેખર, દવાઓના પત્તા પર લાલ રંગની પટ્ટીનો અર્થ એ છે કે, ડોક્ટરની સલાહ વિના આ દવાઓ વેચી શકાતી નથી અને તેનો ઉપયોગ પણ કરી શકતો નથી. એન્ટિબાયોટિક્સ દવાઓના ખોટા ઉપયોગને રોકવા માટે જ દવાઓના પત્તા પર લાલ રંગની પટ્ટી લગાવવામાં આવે છે.

લાલ રંગની પટ્ટી સિવાય, દવાઓના પત્તા પર બીજી ઘણી ઉપયોગી વસ્તુઓ લખેલી હોય છે, જેના વિશે જાણવું પણ ખૂબ મહત્વનું છે. કેટલીક દવાઓના પત્તા પર Rx લખેલું હોય છે, જેનો અર્થ છે કે, આ દવાઓ ડોક્ટરની સલાહ વિના લેવી જોઈએ નહીં.

દવાઓનાં જે પત્તા પર NRx લખેલું હોય છે, તેનો અર્થ એ કે, આ દવા લેવાની સલાહ ફક્ત તે જ ડોકટરો આપી શકે છે કે, જેની પાસે ડ્રગ લાઇસન્સ હોય. કેટલીક દવાઓના પત્તા પર XRx પણ લખેલું હોય છે, જેનો અર્થ એ છે કે, આ દવા ફક્ત ડોક્ટરની પાસેથી જ લઈ શકાય છે. ડોક્ટર જ આ દવા દર્દીને આપી શકે છે. કોઈ મેડિકલ સ્ટોરમાં આ દવાઓ વેહેચી શકાતી નથી. 

Previous articleપૂજામાં શા માટે નાળિયેર વધેરવામાં આવે છે અને તેના પર ત્રણ આંખોનું નિશાન કેમ હોય છે? જાણો તેની પૌરાણિક કથા વિષે…
Next articleજાણો આ 12 શિવલિંગની પૌરાણિક કથા વિષે, જેમાં છે ભગવાન શિવ સ્વયં બિરાજમાન…