જો આવી સલાહ દરેક દિકરીને મળે તો એક પણ દિકરી સાસરે દુખી ન થાય

347

એક દિકરી એ તેના બાપ ને પ્રશ્ન કર્યો કે પપ્પા હું જ્યારે સાસરે જઇશ તો શું તે બધા મને દિકરી ની જેમ રાખશે ?

તો તેના પિતા એ બહુ જ સરસ જવાબ આપ્યો અને કહ્યુઃ બેટા, તું અહીયા શું છે?

તો દિકરી એ જવાબ આપ્યો : હું અહીંયા દિકરી છું

તો તેના બાપે કહ્યું કે બેટા, અહીં તું દિકરી જ છે પણ ત્યાં તો તારે બહુ વધારે પડતી ભૂમીકા ભજવવાની છે, જેમ કે પત્નિ, દિકરી, માં, ભાભી, જેઠાણી કે પછી દેરાણી આટલા બધા તારા અંશ હશે તો તને અહીંયા કરતા ત્યાં વધારે જણાં સાચવશે પણ…

એ બધુ જ તારા વહેવાર ઉપર આધાર રાખે છે જેમ કે અહીં તું રૂપિયા 10 ની વસ્તુ લેતા વિચારે છે કે મારા પિતાના રૂપિયા ક્યાક હું વધારે પડતા કે ખોટા ખર્ચ નથી કરતી ને ? તેમજ ત્યાં તારી સાસરી માં જઇ તારે તારૂ અને આખા ઘરનું વિચારવાનું કે 5 રૂપીયાની પણ વસ્તુ લેતા પહેલા વિચારજે કે હું મારા ઘર ના રૂપિયા ખોટા તો નથી વાપરતી ને પછી જોજે તારી સાસરીમાં અહીં કરતા પણ કેવી રીતે રાખે છે? બીજું કે અહીં તો મેં તને 20 કે 25 વરસ સાચવી એટલે આતો તું ભાડુઆત હતી મારી પણ બેટા…

એ ઘર તો તને આખી જીન્દગી નામ આપે છે, તો ત્યાં તારે બધાને સાચવવાના છે, જો તું સાચવીશ તો તે તને 10 ગણું સાચવશે… પિતા એ પછી કાનમાં દિકરી ને કહ્યું કે બેટા જો કોઈને કહેતી નહીં હું જે કહુ છું તે સાચું છે. તારે જીન્દગીમાં દુ:ખી ના થવું હોય તો તેનો મંત્ર છે આખા જીવન ભર દુ:ખ નહી આવે.

તો દિકરી એ કહ્યું: એવું શું છે પપ્પા?

તરતજ પિતા એ કહ્યું કે પિયર ઘેલી ના થતી, તારી મમ્મીનુ ક્યારેય ના સાંભળતી, કંઇ પણ વાત હોય તો સાસુ, સસરા, દિયર, નણંદ, જેઠ-જેઠાણી કે દિયર- દેરાણી બધાં સાથે બેસી ને ખુલ્લા દિલ થી વાત કરજે.! તારા જીવન મા દુ:ખ ભગવાન પણ નહીં લાવે, તો બોલ બેટા અહીંયા સારું કે સાસરીયું સારું ?

તરત દિકરી બોલી પપ્પા તમારી વાત ખરેખર સાચી કે જેમનું નામ મરણ પછી પણ મારા સાથે જોડાઇ રહે તે જ મારો પરીવાર અને એ જ મારા સાચા માતા-પિતા છે અને દિયર મારો નાનો ભાઇ છે, જેઠ મારા મોટા ભાઇ અને બાપ સમાન છે, દેરાણી મારી બહેન છે, જેઠાણી મારી મોટી બહેન છે અને સાસુ મા સમાન છે અને નણંદ મારી લાડકી દિકરી છે.

હા, પપ્પા મને તો અહીં કરતાં ત્યાં ધણું ફાવશે, હું આખી જીન્દગી આ યાદ રાખીશ અને દરેક દિકરી ને આમ જ કરવાની સલાહ આપીશ કે આપણું ઘર તે આપણે જ સાચવવાનું છે આપણા પિયરીયાને નહીં.. જે મજા સંપીને રહેવામાં છે તે અલગ થઈને રહેવામાં નથી.

દરેક માતા-પિતા અને ખાસ કરીને દીકરીઓ એ વાચવા જેવુ અને જીવન માં ઉતારવા જેવું જે અત્યારે દરેક દીકરી ને જરૂરી છે.

Previous articleપિતા પોસ્ટમેન હોય કે પટાવાળો, પુત્રમાં હીર હોય તો, હીરો બની શકે છે
Next article37 વર્ષની ઉંમરે બનાવ્યા સિક્સ પેક અને 42 વર્ષની ઉંમરે બની DJ, કંઈક આવી છે કિરણ ડેંબલા ની કહાની