Homeહેલ્થતેલ કા ખેલ: રસોઈ બનાવવા માટે ઉપયોગમાં લેવાતા તેલ વિશે આટલું જરૂર...

તેલ કા ખેલ: રસોઈ બનાવવા માટે ઉપયોગમાં લેવાતા તેલ વિશે આટલું જરૂર જાણી લેજો..

આપણે ભારતના નકશામાં નજર નાખીએ અને દેશમાં ખવાતા તેલનું નિરીક્ષણ કરીએ તો જોવા મળશે કે, આપણી બાજુ એટલે ગુજરાતમાં સીંગતેલ વધુ ખવાય છે,કેમ કે અહીંની આબોહવામાં મગફળી સારી રીતે થઈ શકે છે. અવેલેબલ હોવાથી આપણે પેઢીઓથી ખાઈએ છીએ માટે સીંગતેલ આપના શરીરના બંધારણનો એક ભાગ બની ગયો છે. એટલે અનુકૂળ આવી ગયું છે.

હવે દક્ષિણમાં નજર નાખીએ તો ત્યાં નારિયેળ પ્રચુર માત્રામા થાય છે તો ત્યાં ખાવામાં માથામાં નાખવામાં નાળિયેર તેલ જ ઉપયોગમાં લેવાય છે.( આપણમાં ઘણાં નાના હતા ત્યારે સિંગતેલ માથામાં નાખેલું હશે. હવે ઉત્તર બાજુ જઇશું ત્યાં મસ્ટર્ડ ઓઇલ (રાયડો) વધુ ઉપયોગમાં લેવાય છે. બાબા રામદેવેએ કચ્ચીઘણી તેલ પણ લોન્ચ કર્યું છે.(સ્ટાન્ડર્ડ ઉપર ખરું નથી ઉતર્યું એ અલગ વાત છે) વિદેશમાં આ તેલ ખાવા માટે બેન(વર્જીત છે) ત્યાં બોટલ ઉપર સ્પષ્ટ સૂચના લખી હોય છે કે ફોર એક્સ્ટર્નલ યુઝ ઓન્લી માત્ર માલિશ કરી શકો ખાઈ ન શકો. પંજાબીઓ ખાય છે અને હટાકટા છે.

હવે આવ્યો ઓલિવ ઓઇલ(જેતુનનું તેલ) વિદેશમાં આ તેલનો ઉપયોગ ખૂબ થાય છે. પણ હવે ભારતીય બજારમાં પણ ખૂબ વેચાય છે. તેમાં અલગ અલગ પ્રકાર આવે છે જેમ કે વર્જીન ઓલિવ ઓઇલ ,પ્યોર ઓલિવ ઓઇલ વગેરે..

ઓલિવ ઓઇલ ભારતીય શાક વધારવાની પદ્ધતિ મુજબ કામ ન આપે કેમ કે એનો બ્રેકીંગ પોઈટ લો હોય. કસરત કરવા વાળા આને વધુ મહત્વ આપે છે. થોડું જ આગળ જઈએ તો આવ્યું રાઈસ બ્રાયન ઓઇલ જેનો ઉપયોગ પણ સારી માત્રામાં થાય છે.સૂરજમુખીની હાલ બોલબાલા છે.પણ એમાંય અક્ષયના ગીત જેમ બાલા બાલા જ છે એમાંથી કઈ કાઢી લેવાનું નથી. એડવર્ડટાઈઝથી લોકોને આવલ જ બનાવવામાં આવે છે.

ઘણા લોકો શાક વધારવામાં શુદ્ધ ઘી નો ઉપયોગ કરે છે. પણ ચર્વાકે કહ્યું એમ દેવું કરીને ઘી ન પીવાય. ખરેખર તેલ કંપનીઓ આપણાં સ્વાસ્થ્ય સાથે ભંજવાડ કરી રહી છે. ડિસ્કો તેલ(નકલી તેલ) અને ફિલ્ટર અને ડબલ ફિલ્ટર તેલના લીધે બીમારીઓ પી.જી(પેઇંગ ગેસ્ટ)બની જાય છે. અમૂકવાર ઘર પચાવી પણ પાડે છે.

તેલ કાઢવાની પ્રક્રિયા કેમિકલ્સનો ઉપયોગ કરીને કરવામાં આવતી હોય છે. તેને શુદ્ધ કરવા અને બગડે નહિ માટે પ્રિઝર્વવેટીવ તરીકે કેમિકલ્સનો ઉપયોગ થાય છે. સ્વાદ માટે આર્ટિફિશિયલ એસેન્સનો ઉપયોગ થાય છે. તો પ્રશ્ન એ થાય કે ફિલ્ટર ડબલ ફિલ્ટર તેલ નુકસાનકારક છે તો કયું તેલ વાપરવું.. આપણાં વિસ્તારમાં ઉગતા બીજનું તેલ ઉત્તમ છે, આપણાં માટે સીંગતેલ ઉત્તમ. પણ પણ પણ કોલ્ડ પ્રોસેસથી કાઢવામાં આવેલું તેલ કેમિકલ્સના ઉમેરણ વગરનું તેલ કોલ્ડ પ્રોસેસ એટલે આપણી દેશી ઘાણી હાલ પોર્ટેબલ મીની ઇલેક્ટ્રોનિક ઘાણી પણ બજારમાં ઉપલબ્ધ છે. એમાં કાઢેલું તેંલ સર્વશ્રેષ્ઠ છે જે શરીરને નુકશાન નહિ કરે. ખાવાનું માપે.

સરકારની જવાબદારી છે કે ડિસ્કો તેલ કેમિકલ્સ યુક્ત તેલ ઉપર એટલી જ કડકાઈ રાખવી જેટલી દારૂ ઉપર રખાય છે. મિન્સ કે મતલબ કે કહેવાનું કે કાગળ ઉપર દારૂનો કાયદો જેટલો લોઢા જેવો છે એટલો વાસ્તવમાં તેલ માટે હોવો જોઈએ. છેલ્લો કટોરો ઝેરના પી જજો બાપુ એમ આ મહત્વનું છે. બજારમાં મળતા તળેલા ખોરાક એક પ્રકારનું ધીમું ઝહેર હોય છે. કેમ કે એક તો એ ખોરાક કેમિકલ્સ પ્રોસેસથી નીકળેલા તેલથી બન્યા હોય છે. અને બીજું કે એ તેલ વારંવાર વારંવાર, વારંવાર ,વારંવાર  વારંવાર ગરમ થાય છે.(આટલી વાર વારંવાર વાંચવામાં કંટાળો આવે તો તેલના શુ હાલ થાય વિચારજો). એ તેલના તમામ ગુણો નાશ પામે,

ગામઠી ભાષાની કહેવત મુજબ પાસેરમાંથી પળી ઢળી જાય. એક તો ગુણ હતાજ નહિ એમાંથીય નાશ પામે. પેટમાં જાય એટલે બીમારીઓના ઢગેલ ઢીંગણા થાય. માટે ઘરના બનેલા ભજીયા ગાંઠિયા ઘૂઘરા ખાવા વધુ સારા. કચ્ચી ઘાણી(કોલ્ડ પ્રોસેસ) તેલનો ઉપયોગ વરદાન સાબિત થઈ શકે છે. થોડું મોંઘું પડે થોડું નહિ ઘણું મોંઘું પડે પણ સગવડતા હોય તો શુભારંભ કરવા જેવો છે.  અમુક વિસ્તારમાં લોકો ઘરની મગફળી લઈને જાય તેલ લઈને આવે છે. વિકલ્પ પણ સારો છે. પણ ત્યાં સેળભેળ ગબાજાળી ન થઈ જાય એનું ધ્યાન રાખવું.

વનસ્પતિ તેલ અને ઘી (ડાલ્ડા કંપનીનું નામ છે)જેનો મોટા પાયે ઉપયોગ બજારમાં મળતી તળેલી વસ્તુને કુરકરી(ક્રિસ્પિ) બનાવવાં માટે થાય છે. બીજા પણ ઘણા ઉપયોગ છે. અલગ અલગ વનસ્પતિમાંથી તેલ કાઢીને તેલનો જીવનકાળ વધારવા માટે હાઈડ્રોજનની મદદથી જમાવવમાં આવે છે. ત્યારબાદ નિકલ ધાતુની ઉપસ્થિતમાં ચાર હજાર ડિગ્રીના દબાવમાં આઠ કાલાક સુધી હાઈડ્રોજન પ્રવાહિત કરવામાં આવે છે. ત્યારે બાદ તૈયાર થાય છે નિષ્ક્રિય તેલ જે શરીરને માત્ર નુકશાન પોહચાડે છે.

પછી આવે કનોડા, સનફલાવર, રાઈસ બ્રાન ઓઇલ, મકાઈ વગેરે.. હવે તકલીફ બીજમાં નથી એની પ્રોસેસમાં છે.. બીજમાંથી ઉચ્ચ તાપમાને અને હેગઝીન કેમિકલ્સની મદદથી કાઢવામાં આવે છે. આવી પ્રોસેસના કારણે તેલમાં ઉપલબ્ધ મિનરલ્સ નાશ પામે છે, બનાવતી વખતે ફીણ ન વળે જલ્દી બગડે નહીં માટે એમાં બીજા કેમિકલ્સનું ટપોરણ કરવામાં આવે છે અને છેલ્લે આપણી પાસે આવે છે, મરેલું તેલ.

રાઈસ બ્રાન ઓઇલ એટલે ચોખામાં ભૂંસામાંથી કાઢવામાં આવતું તેલ પ્રશ્ન થાય વળી ભૂસું તો કોરું હોય તેલ કેમનું નીકળી શકે. પણ મશીન દ્વારા નીકાળી લેવામાં આવે છે. હમણાં ખુબ ચલણમાં પણ છે. કપાસિયા તેલ પણ ઘણા વર્ષોથી ખવાય છે.ઘણા બધા પરિવાર ખાય પણ છે. હાલ પાક વધુ અને ઝડપી લેવા માટે બી.ટી. કપાસનું વાવેતર બધે કૉમન થઈ ગયું છે.શંકર 4 અને શંકર 6 જેવી જાત હવે લુપ્ત થવાના આરે છે. વળી ગુલાબી ઈયળ,લશ્કરી ઈયળ જેવી પાવરફુલ જીવાતનો મુખ્ય ખોરાક પણ કપાસ જ છે. હાલ આ તેલના નુકસાનકારક સંશોધન સામે આવ્યા નથી અથવા કરાયા નહિ હોય.

કંપની એ પ્રોસેસ કઈ રીતે કરે છે. તેને ડબલા ઉપર નહિ લખે.આપણે તો માત્ર તેલ અને એની ધાર જ જોઈએ છીએ દેખાવમાં શુદ્ધ હોય એટલે ભયો ભયો.પ્રોસેસ મહત્વની છે. પામ ઓઇલ એ મલેશિયાથી આયત થતું સસ્તું તેલ છે. મલેશિયા ખુદ આ તેલ નથી ખાતું, એવું કહેવાય છે કે ટ્રાન્સ ફેટ સૌથી વધુ આ તેલમાં હોય છે.જે બોડીમાં ભળતું નથી. જે રોગોને આમંત્રણ આપે છે. આ સસ્તા તેલને ભેળસેળ માટે ઉપયોગમાં લેવાય છે.

પછી આવે બદામ તેલ એવેકેડો ઓઇલ અને ઓલિવ ઓઇલ આ તેલ પ્રમાણમાં સારા આવે પણ ઘણા મોંઘા પડે. અમુક તો હજાર રૂપિયે લીટર છે. વહી તંદુરસ્તી વહી સ્વાદ કમ દામો મેં મિલે તો કોઈ યહ કયું લે.. આવા તેલનો સ્મોક પોઈન્ટ ખૂબ નીચો હોય છે.માટે તળવા માટે ન ચાલે સ્મોક પોઈન્ટને સમજી લઈએ સ્મોક પોઇન્ટ એટલે એટલું તાપમાન જ્યાં ફેટી એસિડ બૉન્સ ટૂટી જાય અને તેલ ખાવા લાયક ન રહે. ડીપ ફ્રાય ન કરી શકીએ.

નારિયેળ તેલ ભોજન માટે સારું ગણાય છે,અરે ખાવા સાથે સાથે માથામાં નાખો માલિશ કરો થોડું ખાઈ જાઓ તોય ફાયદેમંદ રહે. નારિયેળ તેલનો સ્મોક પોઈન્ટ પણ ખૂબ ઉંચો હોય છે. સ્ટડી કહે છે કે આઠ કલાક 180 ડીગ્રી ઉપર ગરમ કરવા આવે તોય તેલની ક્વોલિટી ઉપર કોઈ ફરક નથી પડતો. આ તેલનો સ્વાદ ખૂબ સારો હોય છે.

મગફળીનો સ્મોક પોઇન્ટ 230 ડીગ્રી હોય છે, આ તેલના પણ ઘણા બધા ગુણ છે આખું મધ્યભારત મગફળી ખાય છે. આ તેલ ખરાબ કોલેસ્ટ્રોલને ઓછું કરે છે. તલના તેલનો સ્મોક પોઇન્ટ પણ નારિયેળ તેલ જેટલો જ હોય છે અમુક બીમારીઓમાં પણ ફાયદે કારક રહે છે.. માલિશ માટે પણ સારું રહે. આજુ બાજુની ઘાણીએથી સરળતાથી મળી રહે છે. શિયાળામાં ઉપયોગ કરી શકાય. શાક વઘારતા થોડા ફીણ વળે ચિંતા નહિ કરવાની. તલનું તેલ રાજેસ્થાનમાં ખવાય છે

250 ડીગ્રી સ્મોક પોઇન્ટ ધરાવતું સરસોનું તેલ હદય માટે સારું ગણાય છે સરસોના તેલમાં ઓમેગા 3 અને ઓમેગા 6 હોય છે એવું એઇમ્સની સ્ટડીમાં આવ્યુ હતું. શાક વઘારતી વખતે થોડી વાસ જરૂર આવે. પણ ડીપ ફ્રાય માટે બધા આ તેલ વધુ વાપરે છે. ઉતર ભારતમાં વધુ ખવાય છે.

કંડલા બંદરે વિદેશો માંથી લાખો ટન ખાદ્ય તેલ આયાત થાય છે… શિપ માંથી ઉતરી મોટી ટેંકો મા ભરવામાં આવે છે ત્યારે બાદ જુદી જુદી જગ્યાએ મુકવા મા આવે છે આ સમગ્ર પ્રક્રિયા કોઈ પણ જોએ તો તેલ ખાવાનું મૂકી દે. ટૂંકમાં એટલું ધ્યાન રાખવાનું કે આડાઅવળા તુક્કા કર્યા કરતા નારિયેળ, મગફળી, સરસો, તલનો ઉપયોગ વારા ફરતી કરતું રહેવાનું.. ચાર 6 મહિને તેલ બદલતું રહેવાનું એટલે બધા તેલના ફાયદા અને સ્વાદ મળતા રહે. ફ્રાય કરેલ તેલનો વધુ વખત ઉપયોગ નહિ કરવાનો. પરસેવો વળે એટલી કસરત કામ હમેશા કરતું રહેવું..

ફાવતું હોય તે ગમે તેલ ખાઈ શકાય દરેકના ફાયદા નુકશાન બધાના મળી રહેશે. ભાવ શુદ્ધતા પ્રાપ્યતા ફાયદા નુકશાન તપાસી અને વિવેકબુદ્ધિથી તેલની પસંદગી કરવી.

આ પોસ્ટ “જીવન સામર્થ્ય”ની પ્રોફાઈલ પરથી લેવામાં આવી છે, જો તમને આ આર્ટિકલ્સ ગમ્યો હોય અને વધારે સારા આર્ટિકલ્સ વાંચવા હોય તો તમે તેમના ફેસબુક પ્રોફાઇલને ફોલો કરી શકો છો.

લેખક:- જીવન સામર્થ્ય

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments