ભારતીય ઇતિહાસમા ઘણા ધાર્મિક સ્થાનોનો ઉલ્લેખ છે, જેમાંથી એક દ્વારકાધીશ છે. દ્વારકા હિન્દુ ધર્મના લોકો માટે એક પવિત્ર ધાર્મિક સ્થળ છે સામાન્ય રીતે શ્રી કૃષ્ણનુ ધામ દ્વારકા માનવામા આવે છે પરંતુ બહુ ઓછા લોકો જાણે છે કે દ્વારકા ત્રણ ભાગોમા વહેંચાયેલુ છે. મુખ્ય દ્વારકા, ગોમતી દ્વારકા અને બેટ દ્વારકા. ગોમતી દ્વારકા તે જગ્યા છે જ્યાં શ્રી કૃષ્ણ અહી શાસન કરતા હતા અને તેમની ૧૬,૧૦૮ રાણીઓ રહેતી હતી. સુદામાજી મુખ્ય દ્વારકામા રહેતા હતા. બેટ દ્વારિકામા શ્રીકૃષ્ણ પોતાની રાણીઓ સાથે રહેતા હતા. આ સ્થળ ગુજરાતમા બેટ દ્વારકા તરીકે ઓળખાય છે.
બેટનો અર્થ થાય છે મળવુ અને આ સ્થાન ભગવાન અને મિત્રની ભેટનો સાક્ષી છે. ચાલો તમને જણાવી દઈએ કે આ તે જ જગ્યા છે જ્યાં સુદામાજી શ્રી કૃષ્ણને મળ્યા હતા. આ સ્થાન ગોમતી દ્વારકાથી માત્ર ૩૫ કિલોમીટર દૂર આવેલુ છે અને ત્રણ બાજુ સમુદ્રથી ઘેરાયેલ છે. આ સ્થાન પર પહોંચવા માટે આજે પણ તમારે બોટ અથવા વોટર સ્ટીમરનો આશરો લેવો પડશે. આ મંદિરમા ભગવાન શ્રીકૃષ્ણ અને તેમના મિત્ર સુદામાની પૂજા કરવામા આવે છે.
ભાત દાન કરવાની અહી પરંપરા છે. આ વાર્તા દ્વાપર યુગ સાથે સંબંધિત છે જ્યારે સુદામાજી ભારે ગરીબીમા સમય વિતાવતા હતા ત્યારે તેમની પત્નીએ તેમને કૃષ્ણજીને મળવાનુ સૂચન કર્યું હતુ અને સુદામાજી કૃષ્ણને મળવા ગયા હતા ત્યારે ભેટ રૂપે તેમણે કપડામા ચોખા બાંધી દીધા હતા. અને શ્રીકૃષ્ણએ તેમના ભાત ખાઈને તેમની ગરીબી છીનવી લીધી હતી. આ જ કારણ છે કે આજે પણ અહી ચોખાનુ દાન કરવામા આવે છે.
બેટ દ્વારિકાની વિશેષતા :-
અહીંના લોકો જણાવે છે કે આ મંદિરમા સ્થાપિત શ્રી કૃષ્ણની મૂર્તિ ખુદ ભગવાન રુક્મણી દ્વારા બનાવવામા આવી હતી અને મંદિરનુ નિર્માણ મહાન સંત વલ્લભાચાર્યજીની મદદથી કરવામા આવ્યુ હતુ. આ એક ટાપુ છે જ્યા પાણી ત્રણેય બાજુ ઉછાળા મારે છે પરંતુ પાણી ક્યારેય શહેરની અંદર પ્રવેશ કરી શક્યુ નથી. કહેવામા આવે છે કે એક વાર આજુબાજુનો પૂરો ભાગ સમુદ્રના પાણીમા ડૂબી ગયો હતો પરંતુ દ્વારિકા નગરી સુરક્ષિત રહી હતી જે ઈશ્વરના અસ્તિત્વનુ પ્રમાણ છે.
તમે કોઈપણ સમયે આ પવિત્ર સ્થાનની મુલાકાત લઈ શકો છો પરંતુ ઓક્ટોબરથી માર્ચ સુધીનો સમય અહી મુલાકાત લેવાનો સારો સમય છે. કારણ તે એક ટાપુ હોવાને કારણે અહીં શિયાળામા વધાર ઠંડી પડતી નથી. આ સ્થાને મુલાકાત લેવા આવતા ભક્તો થોડી કલાકોની સફર કરીને જ્યોતિર્લિંગ સોમનાથની મુસાફરી કરી શકે છે.
