શિક્ષણ અને સાક્ષરતા માટે દેશમાં દરેક વ્યક્તિએ પ્રયત્નશીલ રહેવું જોઇએ કારણ કે ગરીબી સામે લડવું, ભ્રષ્ટાચાર દૂર કરવા અને દેશના સર્વાંગી વિકાસ માટે શિક્ષિત થવું અનિવાર્ય છે. ઘણી વાર આપણે એવું વિચારીએ કે હવે આપણી ઉંમર કુટુંબ આવક કમાવવાની અને ચલાવવાની છે.
ભણવાની અને શીખવાની કોઈ ઉંમર નથી હોતી. જીવનના કોઈપણ તબક્કે, આપણે કંઈપણ શીખી શકીએ છીએ. તે કહેવું સરળ છે પણ તે કરવું થોડું મુશ્કેલ છે. આપણે પોતે શીખવાની વય નક્કી કરી દીધી છે. જેમ કે અભ્યાસ, ડ્રાઇવિંગ અથવા સાયકલ ચલાવવી, તરતા શીખવું. આ બધા માટે, અમારી આ માન્યતા છે કે જો આપણે તેમને પ્રારંભિક તબક્કામાં શીખીશું, તો વધતી ઉંમર સાથે, તેમને શીખવાનો અવકાશ ઘટે છે. પરંતુ હજી પણ વિશ્વમાં એવા લોકો છે કે જેઓ તેમની અંદર શીખવાની ઇચ્છાને મરી જવાની ઉંમરે પણ ભણતર શીખે છે, આજે અમે તમને આવી વૃદ્ધ સ્ત્રીની વાત જણાવીશું. જેમણે 96 વર્ષની ઉંમરે સાક્ષરતાની કસોટી પાસ કરી અને તેમાં તે ટોપ પર રહી છે.
તેનું નામ “કાર્થ્યયની અમ્મા”છે. કેરળ રાજ્યની સાક્ષરતા પરીક્ષામાં 96 વર્ષીય મહિલા કાર્થ્યયની અમ્માએ 100 માંથી 98 ગુણ મેળવી પરીક્ષામાં ટોચનું સ્થાન મેળવ્યું છે. આ પરીક્ષા મલયાલમમાં લેવામાં આવી હતી. આ પરીક્ષા કેરળ સરકાર દ્વારા ‘અક્ષરલક્ષમ મિશન’ અંતર્ગત લેવામાં આવે છે. અલપુજ્જા જિલ્લાના ચેપ્પાડ ગામમાં રહેતા કાર્થ્યયની અમ્માને કેરળના મુખ્યમંત્રી પિનરાય વિજયન દ્વારા અક્ષરલક્ષમ સાક્ષરતા પ્રમાણપત્ર આપવામાં આવ્યું હતું. કાર્થ્યયની અમ્મા ક્યારેય શાળાએ નહોતી ગઈ. આજે તે જીવે ત્યાં સુધી ભણવાનું ઇચ્છે છે. તેમનો પરિવાર મંદિરો અને ઘરોમાં સફાઇ કામ કરતો હતો.
કાર્થ્યયની અમ્મા હાલમાં તેની પુત્રી અને પૌત્રો સાથે ચેપ્પડ ગામમાં રહે છે. અમ્માના પિતા શિક્ષક હોવા છતાં તેણે અને તેની બહેને શિક્ષણ મેળવ્યું ન હતું. અમ્માએ બાળપણમાં જ પોતાનો અભ્યાસ છોડી દીધો હતો કારણ કે તેના ઘરની આર્થિક સ્થિતિ સારી ન હતી. લગ્ન પછી તેમના છ બાળકો થયા. પતિના મૃત્યુ પછી હવે આખા ઘરની જવાબદારી તેના પર આવી ગઈ.
બાળકોને ઉછેરવા માટે ઘરોમાં કામ કરવા ઉપરાંત, તેમણે સફાઈ કામદાર તરીકે પણ કામ કર્યું હતું. જો કે, તે થોડુંક વાંચવાનું જાણતી હતી. આજે તેણે ત્યાંથી ભણવાનું શરૂ કર્યું કે જ્યાંથી છોડ્યું હતું. વૃદ્ધ લોકોને ઘણીવાર ઉભા-બેસવાની તકલીફ થતી હોય છે. તેઓ પોતાને જ ભગવાન મણિ લેતા હોય છે. પરંતુ અમ્માએ આ વિચારસરણીને પાછળ ધકેલીને શિક્ષણ મેળવવાનાં પગલાં લીધાં છે. આવી સ્થિતિમાં, અમ્મા ખરેખર સમાજના દરેક વર્ગ માટે પ્રેરણા છે.
કેરળ સરકારની અક્ષરલક્ષમ સાક્ષરતા મિશનની આ પરીક્ષામાં ભાગ લેનારી તે સૌથી વૃદ્ધ મહિલા હતી. આ પરીક્ષામાં લગભગ 43 હજાર ઉમેદવારોએ ભાગ લીધો હતો, જેમાંથી લગભગ 42 હજાર લોકોએ આ પરીક્ષા આપી હતી. લેખન, વાંચન અને ગણિતની કુશળતા આ મિશનમાં માપવામાં આવે છે. અમ્મા આ પહેલા પણ ઘણી પરીક્ષા આપી ચૂકી છે. આ પરીક્ષામાં 80 કેદીઓએ પણ ભાગ લીધો હતો. ઉપરાંત, 2420 એસસી ઉમેદવારો અને એસટીના 946 ઉમેદવારોએ પણ ભાગ લીધો હતો. પરીક્ષા ત્રણ તબક્કામાં લેવામાં આવી હતી. પ્રથમ 30 નંબર વાંચન પરીક્ષણ, 40 નંબર મલયાલમ લેખન અને 30 નંબર ગણિત. અમ્મા વાંચન પરીક્ષામાં પ્રથમ નંબર લાવી હતી.
કેરળને સંપૂર્ણ સાક્ષરતાવાળા રાજ્ય તરીકે જાહેર કરવામાં આવ્યું છે. આ હોવા છતાં, ત્યાં વિવિધ પ્રકારના સામુહિક સાક્ષરતા અભિયાનો ચાલી રહ્યા છે. આ અભિયાનમાં વરિષ્ઠ નાગરિકો, આદિવાસીઓ, માછીમારો, અભણ વર્ગના ઝૂંપડપટ્ટીના લોકો પર વિશેષ ધ્યાન આપવામાં આવી રહ્યું છે. હકીકતમાં, યુનેસ્કોના નિયમો અનુસાર, જો કોઈ દેશ અથવા રાજ્યની 90% વસ્તી સાક્ષર હોય, તો તે સંપૂર્ણ રીતે સાક્ષર માનવામાં આવે છે, હવે એક નવી ઝુંબેશ દ્વારા કેરળ સરકારે 100% સાક્ષરતા દર હાંસલ કરવાનું લક્ષ્ય રાખ્યું છે, જે હેઠળ સમાજના દરેક વર્ગ , દરેક વ્યક્તિને સાક્ષર બનાવવાનો પ્રયાસ કરવામાં આવી રહ્યો છે. કાર્થ્યયની અમ્માની આ ભાવનાએ દરેકને ભણવાની શક્તિ આપવાનું કામ કર્યું છે.
