Home સ્ટોરી કાંગ – ડાયાબિટીસથી લઈને હાડકા સુધીના રોગોમાં અમૃત જેવું કામ કરે છે...

કાંગ – ડાયાબિટીસથી લઈને હાડકા સુધીના રોગોમાં અમૃત જેવું કામ કરે છે આ અનાજ

1799

આજની પેઢી માટે કાંગ એ કદાચ બહુ જાણીતું ધાન્ય નથી. દક્ષિણ ભારતમાં એનો બહુ છૂટી ઉપયોગ થઈ રહ્યો છે. થોડું ઝીણા દાણાવાળું આ ધાન્ય ડાયાબિટીઝ માટે બહુ ગુણકારી છે. ચેન્નઇની એમ.વી. હોસ્પિટલ ફોર ડાયબિટીઝે કાંગ પર કરેલો પ્રયોગ ઇન્ડિયન જર્નલ ઓફ મેડિકલ રિસર્ચમાં છપાયો છે.

અંગ્રેજીમાં ફોક્સટેલ મિલેટ અને હિન્દીમાં કાંગણી તરીકે જાણીતું આ ધાન્ય હેલ્-કોન્શ્યસ લોકોમાં ફરીથી લોકપ્રિય થઇ રહ્યું છે. ડો.વિજય વિશ્વનાનની ટીમે ૧૦પ ડાયાબિટીઝના દર્દીઓ પર પ્રયોગ કર્યો હતો.

બધા જ તૃણધાન્યોમાં કાંગને સૌથી વધુ પૌષ્ટિક કહેવામાં આવે છે. પચવામાં થોડી ભારે હોવા છતાં આરોગ્યપ્રદ છે. હાડકાનાં પોષણ માટે કાંગ વિશેષ ફાયદાકારક છે. ખાસ કરીને ઓસ્ટીઓપોરોસિસ ધરાવતા દર્દીઓ, ફ્રેક્ચર થયું હોય તેઓ ખોરાકમાં કાંગનો ઉપયોગ કરી હાડકાનું પોષણ જાળવી શકે છે.

કાંગને અંગ્રેજીમાં Foxtail Millet કહેવામાં આવે છે. હિંદીમાં તે કાંગણીથી ઓળખાય છે. એવું માનવામાં આવે છે ૬૦૦૦ B.C આસપાસ ચીનમાં તેનો વપરાશ થવાનો ચાલુ થયો હતો, સાઉથ ઇસ્ટ એશિયા, યુરોપ જેવા પ્રદેશોમાં પણ મિલેટ પ્રખ્યાત છે તેની ધોળી, કાળી, લાલ અને પીળી એમ ચાર જાત હોય છે. ધોળી કાંગને આયુર્વેદ વધુ સારી કહે છે.

કાંગનાં શીતળ ગુણને ધ્યાનમાં રાખી વારંવાર ગર્ભપાત થઇ જતો હોય, માસિક વધુ આવતું હોય તેવી સ્ત્રીઓને કાંગ ખાવા કહેવાય છે. ડિઓડીનલમાં સોજો-અલ્સર હોય તેઓને કાંગની ખીર ઔષધરૂપે ખાવા સૂચવાય છે.

ગ્લુટન ઈન્ટોલરન્સ ધરાવતા હોય તેઓ કાંગનાં લોટનો ઉપયોગ રોટલી બનાવવા કે પછી કાંગને ભાતની જેમ રાંધીને ખાઈ શકે છે.

જો ગુજરાત માં કોઈ ખેડૂત પાસે સફેદ કાંગનું બિયારણ હોઈ તો તેનું વાવેતર કરી લોકો સુધી પહોંચાડવા જેવું છે.. અમરેલી માં જૈવિક ખેતી કરતા ઘણા ખેડૂત મિત્રો શેઢા પર કાંગ વાવે છે.. નાનપણ માં કાંગ નો ઘડીયો ખાધેલો જે હજુ દાઢ માં છે.

સૌજન્ય:- વસિષ્ઠ ફાર્મ.