લગ્નના બંધનમાં બંધાયા વરુણ ધવન અને નતાશા દલાલ, દુલ્હા-દુલ્હનની પહેલી ફોટો આવી સામે.

0
458

બોલિવૂડ એક્ટર વરૂણ ધવને 24 જાન્યુઆરી તેની લાંબા ગાળાની ગર્લફ્રેન્ડ નતાશા દલાલ સાથે લગ્નસંબંધમાં જોડાયા છે. વરૂણ અને નતાશાએ પરિવાર અને નજીકના મિત્રોની હાજરીમાં સાત ફેરા ફર્યા હતા. બંનેના લગ્નની તસવીરો પણ બહાર આવી છે, જે ખુદ વરૂણ દ્વારા શેર કરવામાં આવી છે.

વરૂણ ધવને તેના ઓફિશિયલ ઇન્સ્ટાગ્રામ એકાઉન્ટ પરથી તેમના લગ્નના ફોટા શેર કર્યા છે. આ તસવીરો શેર કરતા વરુણે કેપ્શનમાં લખ્યું કે, ‘જિંદગીભરનો પ્રેમ આજે ઓફિશિયલ થઈ ગયો છે.’ આ તસવીરોમાં વરૂણ અને નતાશા ખૂબ જ સુંદર લાગી રહ્યા છે.

વરુણે બે ફોટા શેર કર્યા છે. પ્રથમ તસવીરમાં વરૂણ અને નતાશા વરમાળા પહેરીને બેઠા છે. આ તસવીરમાં નતાશા વરૂણ સામે ખૂબ જ પ્રેમથી જોઈ રહી છે. અને આ સાથે જ વરુણ પણ ખૂબ ખુશ જોવા મળી રહ્યા છે. બીજી તસવીરમાં બંને એક બીજાનો હાથ પકડીને ફેરા લઇ રહ્યા છે.

વરૂણ ધવન અને નતાશા દલાલે અલીબાગના મેન્શન હાઉસ ખાતે લગ્ન કર્યા છે. આ પ્રસંગે બંને પરિવારના કેટલાક ખાસ મિત્રો ઉપસ્થિત રહ્યા હતા. વરુણ અને નતાશાના લગ્ન સંપૂર્ણ રિવાજ સાથે ખાનગી સમારોહ તરીકે થયા છે. જેમાં તે બંને ખૂબ જ સુંદર અને ખુશ દેખાઈ રહ્યા હતા.

જણાવીએ કે કોરોના વાયરસને ધ્યાનમાં રાખીને, તેમાં કેટલાક પસંદ કરેલા લોકોને આમંત્રિત કર્યા હતા. કરણ જોહર અને મનીષ મલ્હોત્રા જેવી ઘણી હસ્તીઓ આ કાર્યક્રમમાં પહોંચી હતી. તે જ સમયે, બોલિવૂડ વિશ્વના ઘણા સ્ટાર્સ પણ આ કાર્યક્રમનો ભાગ બન્યા હતા.

વરુણ ધવન અને નતાશા દલાલની વાત કરીએ તો, આ બંને બાળપણથી જ એકબીજાને ઓળખે છે. બંનેને સાથે પાર્ટી અને ફંક્શનમાં પણ જોવામાં આવ્યા હતા. વર્ષ 2018 થી તેમના લગ્ન અંગે અટકળો ચાલી રહી હતી.

જો તમને આ આર્ટીકલ ગમ્યો હોય તો શેર જરૂર કરજો અને કોમેન્ટમાં જણાવજો, સાથે વધારે સારા આર્ટીકલ, સુવિચાર, જોક્સ, અને દેશ-દુનિયાના દરેક સમાચાર ફેસબુકમાં વાંચવા માટે લાઈક કરો આપણું આ પેજ અને મેળવો દરેક અપડેટ તમારા મોબાઈલમાં સહુથી પહેલા…

LEAVE A REPLY

Please enter your comment!
Please enter your name here