દક્ષિણ ઓસ્ટ્રેલીયામાં ખોદકામ કરતા આ વ્યક્તિને સોનાના બે ટુકડાં મળી આવ્યા છે. જેની કીમત લગભગ 250,000 અમેરિકન ડોલર એટલે કે એક કરોડ 87 લાખ રૂપિયાથી પણ વધારે છે. ‘બ્રેન્ટ શેનોન’ અને ‘એથન વેસ્ટ’ને આ સોનાના ટુકડાં વિક્ટોરિયા રાજ્યના ટાર્નાગુલ્લા શહેર નજીક ખોદકામ દરમિયાન મળ્યા હતા. તેમની આ શોધ લોકપ્રિય ટીવી શો ‘ઓસ્ટ્રેલીયાઈ ગોલ્ડ હન્ટર’ પર બતાવવામાં આવી હતી.
આ બંને વ્યક્તિઓએ મેટલ ડિટેક્ટરનો ઉપયોગ કરીને સોનાની શોધ કરી અને તે વિસ્તારમાં ખોદકામ કરીને સોનું કાઢયું. સોનું કાઢવાની બધી જ પ્રક્રિયા ટીવી પર દેખાડવામાં આવી હતી. સીએનએન સાથે વાત કરતી વખતે એથન વેસ્ટે કહ્યું, “આ સૌથી અગત્યની શોધ છે. એક જ દિવસમાં આટલા મોટા સોનાના ટુકડાની શોધ કરવી એ ખરેખર આશ્ચર્યજનક છે.”
આ કાર્યક્રમ દેખાડતા લોકો ‘ડિસ્કવરી ચેનલ’ ના માધ્યમથી, એથન વેસ્ટ અને તેના પિતાએ મળીને થોડા જ સમયમાં સોનાના આ ટુકડાઓ શોધી કાઢયા. જેનું વજન સાડા ત્રણ કિલો જેટલું હતું.
આ ટીવીના કાર્યક્રમમાં ઓસ્ટ્રેલીયાના સુંદર વિસ્તારોમાં સોનાની શોધ કરતા વ્યક્તિઓના કામને બતાવવામાં આવ્યું હતું કે શોધ કરતા જમીનમાં દટાયેલું સોનું કેવી રીતે શોધી શકે છે.
ઓસ્ટ્રેલીયાઈ ટીવીના કાર્યમાં ‘સનરાઇઝ’ થી વાત કરતા, બ્રેન્ટ શેનોને કહ્યું કે, તે એક ખાલી મેદાન હતું, જેનો અર્થ એ પણ હતો કે પહેલાં ત્યાં કોઈ ખોદકામ કરવામાં આવ્યું ન હતું.
એથન વેસ્ટના જણાવ્યા મુજબ, ચાર વર્ષમાં ખોદકામ કરતી વખતે, તેને સોનાના ‘લગભગ હજારો’ ટુકડાઓ મળી આવ્યા છે. ડિસ્કવરી ચેનલે એમ પણ જણાવ્યું છે કે શોધ કરતા લોકો સોનાના ટુકડાં માટે તેમની અંદાજિત કિંમત કરતા 30 ટકા વધુ ચૂકવણી કરી શકે છે. વર્ષ 2019 માં, એક ઓસ્ટ્રેલીયન વ્યક્તિને મેટલ ડિટેક્ટરનો ઉપયોગ કરતા 1.4 કિલો સોનું કાઢયું હતું. તેની અંદાજિત કિંમત 69,000 ડોલર એટલે કે 51 લાખ રૂપિયાથી પણ વધુ હતી.
ઓસ્ટ્રેલીયામાં સોનાનું ખોદકામ 1850 ના વર્ષમાં શરૂ થયું હતું અને હજી પણ તે દેશમાં એક મહત્વપૂર્ણ ઉદ્યોગ છે. એક સ્થાનિક વેબસાઇટ મુજબ, ટાર્નાગુલ્લા શહેરની સ્થાપના પણ ‘વિક્ટોરિયા ગોલ્ડ રશ’ દરમિયાન થઈ હતી અને તેથી તે એક સમૃદ્ધ શહેર છે, જેમાં ઘણા સંશોધકો તેમની નસીબ અજમાવવા પહોંચ્યા છે.
