આપણે બધા ગરમ પાણીથી સ્નાન કરીએ છીએ કારણ કે, આપણે એવું વિચારીએ છીએ કે ગરમ પાણીથી સ્નાન કરવાથી શરીરને આરામ મળે છે, થાક દૂર થાય છે અને તાજગી મળે છે. પરંતુ ગરમ પાણીથી નાહવાથી ત્વચા અને વાળને નુકસાન થાય છે. તેથી ત્વચા અને વાળના સ્વાસ્થ્ય માટે કયા પ્રકારનું પાણી યોગ્ય છે તે જાણવું મહત્વપૂર્ણ છે.
ઠંડા અથવા નવશેકા પાણીનો ઉપયોગ કરવાથી ત્વચા અને વાળ સાફ થઈ જાય છે. તેનાથી વાળને નુકસાન થતું નથી. તો ચાલો આપણે જાણીએ કે ગરમ અથવા ઠંડા પાણીના ઉપયોગથી ત્વચાને કેવી રીતે ફાયદો થાય છે અને નુકસાન થાય છે.
ગરમ પાણીથી ચહેરો ધોતી વખતે ત્વચાના છિદ્રો ખુલ્લી જાય છે. જેથી ત્વચામાં ધૂળ, અને ગંદકી ઝડપથી સમાઈ જાય છે. ગરમ પાણીથી સ્નાન કરવાથી ત્વચા શુષ્ક થઈ જાય છે. જેના કારણે ત્વચામાં ધૂળ ઝડપથી એકઠી થવા લાગે છે. શુષ્ક ત્વચાવાળા લોકોએ ગરમ પાણીથી નહાવાનું ટાળવું જોઈએ, કારણ કે તેને સ્કિન ડ્રાઇનેસની સમસ્યા થઈ શકે છે.
જો ગરમ પાણીને બદલે સામાન્ય અથવા ઠંડા પાણીથી નહાવામાં આવે તો ત્વચા ચમકતી બને છે. ઠંડા પાણીથી નાહવાથી ત્વચામાં કરચલીઓ પડતી નથી. ઠંડુ પાણી ત્વચાને હાઇડ્રેટેડ રાખવામાં પણ મદદ કરે છે. ગરમ પાણી ત્વચાને શુષ્કતા બનાવે છે. જેના કારણે ખંજવાળ જેવી સમસ્યાઓ થાય છે. તેથી ગરમ પાણીથી સ્નાન કરવું જોઈએ નહીં.
જો આંખોના કાળા કુંડાળામાં ઘટાડો કરવો હોય તો ઠંડા પાણીનો ઉપયોગ કરવો જોઇએ. જો તમે વાળને સિલ્કી અને લાંબા કરવા માંગો છો, તો ભૂલથી પણ પછી ગરમ પાણીનો ઉપયોગ કરતા નહીં. કારણ કે ગરમ પાણીના ઉપયોગથી વાળની પ્રાકૃતિક શુષ્કતા સમાપ્ત થઈ જાય છે.
